मोगरा

मोगरा

मी बोलक्या डोळ्यात या हरवून  जातो.
मी मोकळ्या केसात या गुंतून जातो..

नसली जरी आता तरी होशील माझी
मी जागती स्वप्ने अशी सजवून जातो.

रस्ता दिसे मैलो तिथे मग चालतो मी
मी आठवांना त्या असा जगवून घेतो.

मग एकटा बैसून रुसतो हसतो मी,
मी वेड हे माझे असे मिरवून घेतो.

तू प्रेम करते पावसाळी मोसमाला,
अन्आसवांनी तो मला भिजवून देतो

येईल आपुली रात ती गंधीत पळांची
तू माळलेला मोगरा कळवून जातो..

-चंदन तहसीलदार.